Работа со деца во мултиетничко општество

Име на проектот: „Зајакнување на капацитетите на идните наставници и други професионалци за работа со деца во мултиетничко општество”. Проектот го спроведува Организацијата за безбедност и соработка во Европа – ОБСЕ. Здружението на граѓани ИМОР е вклучено во реализацијата на проектот.

Целна група: ученици од одделенска настава во основните училишта. ИМОР вклучи 50 ученици од основните училишта: „Тодор Ангелевски”, „Коле Канински”, „Стив Наумов”, „Кирил и Методиј” и „Ѓорги Сугарев” од Битола, со мешан етнички состав. Најмногубројни се учениците од македонска националност.

Најголем број од вклучените ученици се од ИВ одделение (сметано и по стара и по нова програма).

Изведувачи на проектот: 13 невработени наставници (од кои еден магистер со пријавена докторска дисертација и двајца постдипломци од областа на педагогија) и двајца студенти на отсек психологија на Славјанскиот институт.

Начин на работа: еден наставник – еден ученик, а по потреба и два до три ученици со еден наставник.

Активности: подучување на децата од одделенска настава кои што имаат тешкотии во совладувањето на наставните содржини како и помош при пишувањето и изведувањето на домашните задачи (особено по предметите математика, македонски и англиски јазик).

Подучувањето е бесплатно. За време на престојот во простории на ИМОР (обично по 1 час во период кој што нив им одговара), за учениците обезбедена е ужина.

Честотата на доаѓањето на учениците е индивидуална и не е ограничена. Секој ученик доаѓа тогаш кога смета дека има потреба, а може да доаѓа секој ден доколку има потреба од тоа.

Работата е транспарентна за сите вклучени страни. ИМОР е отворен за соработка со секој кој што ќе пројави желба и интерес, а се вклопува во рамките на овој проект.

Работно време: секој работен ден од 09.00 - 15.00 часот.

Период: декември 2009 год. до мај 2010 год.