Приказна за Махатма Ганди

Инсталирајте Real Player за да можете да го видите видеото

Махатма Ганди даде ново значење на ненасилството. Позната е неговата изјава во која вели дека се што се стекнува преку насилство не е вредно да се поседува.

Махатма Ганди е роден во Индија во 1869 година, а се школувал во Англија каде се стекнал со звањето адвокат. Неговото прво работно искуство како адвокат било во Јужна Африка каде за прв пат се сретнал со расната дискриминација. Според тогашните закони многу нешта не им биле дозволени на луѓето кои не и припаѓале на белата раса. Тие не само што не можеле да станат адвокати, туку не им било дозволено ниту да се возат во вагоните од прва класа на возовите. Ганди бил сведок дека многу луѓе во Јужна Африка се сиромашни и лошо третирани од страна на луѓето од белата раса. Тој организирал протест против таа неправда поради што бил затворен.
Од самиот почетокот на своето делување Ганди протестот го изкажувал водејќи се од своите длабоки религиозни убедувања. Тој бил убеден дека насилството е секогаш погрешен избор.

Ганди се вратил во Индија во 1915 година. Таму се сретнал со истата сиромаштија како и во Јужна Африка. Британија сурово владеела во Индија земајќи даноци кои луѓето неможеле да ги поднесат, не дозволувала Индијците да владеат со сопствената земја, не го потпомагала индустрискиот развој и користела сила за да ги контролираат луѓето.
Во 1930 година Ганди го започнал протестот кој се однесувал на таксата за сол. На почеток овој протест не предизвикал сериозна загриженост кај Британците кои таксата за сол ја сметале за мал проблем. Солта можела да се зема од морската вода, но во Индија целата сол била правена и продавана од Британската влада која се богатела на тој начин. Ганди тврдел дека солта и припаѓа на Индија и дека законот не е праведен.
На почеток тој барал да разговара за овој проблем со водачот на Британската влада во Индија, но не бил разбран сериозно од владата и затоа бил одбиен. На 12 март 1930 година кога имал шеесет години заедно со своите следбеници тргнал на марш долг 322 километри од неговиот дом до морето за да таму направат сол. Дваесет и четири дена луѓето од Индија и останатиот свет го следеле неговото напредување. Очекувањата биле големи. На 6 април пред илјадници гледачи Ганди шетал во морето и собирал грутки сол. Оваа постапка на пркос била сигнал за нацијата. По целиот брег на Индија луѓето започнале да си прават сол илегално. Ганди запишал, “ Јас ја посакувам наклоноста на светот кон оваа борба за правото наспроти моќта ”. Месец дена подоцна Ганди заедно со десетици илјади луѓе се нашол во затвор.

Ганди заедно со останатите луѓе од Индија поминале многу години протестирајќи пред конечното заминување на Британците. Тие продолжуле да маршираат и да одбиваат соработка со Британската влада поради што биле затварани.

Конечно во 1947 година владата на Британија се повлекла од Индија со што таа станала независна држава.

Одговорете на следните прашања:

•  Зошто луѓето од Индија мирно протестирале?

•  Ако луѓето од Индија протестирале користејќи сила, на пример убивајќи Британски војници, што би направиле Британците? Дали во тој случај би погинеле и многу Индијци?

•  Ганди барал “ наклоност од светот за оваа борба за правото наспроти моќта ” . Дали мислите дека светот би бил наклонет ако Индијците ги нападнале Британците? Зошто?

•  Дали мислите дека мирниот протест бил правилен избор во овој случај? Дали мирниот протест може да се користи и во други настани? Дали знаете некој друг пример?

Едукација за Европската унија

Европската комисија претставува извршен инструмент на ЕУ и иницијатор на законодавните предлози. Европската комисија, исто како и Парламентот и Советот е основана во 1950-тите со оснивачките договори. Нејзиниот мандат е 5 години. Седиштето на комисијата е во Брисел. Неформално членовите на Комисијата се познати како "комесари".
Што работи Комисијата?
Европската комисија има четири главни улоги:
1. да предлага законска регулатива до Парламентот и Советот;
2. да раководи и да ги спроведува политиките на ЕУ и буџетот;
3. да го спроведува законот на ЕУ (заедно со Судот на правдата);
4. да ја претставува ЕУ на меѓународната сцена, на пример преку преговарање на договори меѓу ЕУ и други земји.