Profesional development
Професионалниот развој на членовите, директните и индиректни учесниците во проектните активности на ИМОР е еден од позначaјните организациските приоритети на кои ИМОР дава акцент. Затоа, во рамките на редовните активности на ИМОР е и професионалниот развој на нашите членови, градењето на нашите капацитите, односно организацискиот развој во преку разни форми на интерни обуки за нашите членови и секако обуки кои ги организираат други организации, институции и институти во земјата и надвор од неа.
Применувајќи ги стекнатите знаења, вештини и способности во работата со млади луѓе, едукатори и проектни активности, членовите на ИМОР акумулираа големо практично искуство и веќе се искусни обучувачи со големи референци. ИМОР и нашите обучувачи ги ангажираат училиштата, странски и домашни организации и проектни канцеларии во реализацијата на нивните активности или ИМОР помага со советодавни активности и консалтинг за потребите на други организации.
ИМОР и неговите обучувачи досега биле ангажирани во повеќе проекти. Некои од нив се: „Поврзување на училиштата” на Католичките служби за помош (Catholic Relief Services), „Оспособување на наставниците за користење на Интернет" реализиран од Македонскиот центар за граѓанско образование поддржан од USAID, „Е-школо” кој го реализира Центарот за развој на образованието (EDC) од САД поддржан од USAID, „Проект за модернизација на образованието” кој го реализира Светска банка во соработка со Министерството за образование и наука на Република Македонија.
Во рамките на Проектот за модернизација на образованието сите програми кои ИМОР ги предложи беа прифатени од Комисијата на проектот. Од каталогот на програми за обука на наставници во текот на работата, 20 училишта од првиот круг на училишта вклучени во овој проект ги избраа нашите програми и повеќе од 370 наставници од овие училишта ќе бидат обучувани од обучувачите на ИМОР.