НАЈНОВИ НАСТАНИ

ДОЗНАЈ ПОВЕЌЕ ЗА...

Креативни работилници

5R КОНЦЕПТ ЗА ОДРЖЛИВОСТ

Вода

Водата е важен ресурс Каде оди нашата отпадна вода? Врнежи Рециклирање на водата Повторна употреба на водата	Како да заштедиме вода во домовите? Зачувување на квалитетот на водата Водата и здравјето Користење на водата - факти и бројки
Користење на водата - факти и бројки

Просечното користење на водата варира од земја до земја. На пример, жителите на САД се најголемите потрошувачи на вода. Погледнете ги долните бројки кои покажуваат која земја колку троши вода, по глава на жител годишно, вклучувајќи ја и водата за лична хигиена, индустријата и општата употреба.
Годишна потрошувачка на вода по лице (1 мегалитар = 1.000,000 литри)
САД: 2162 мегалитари
Австралија: 926 мегалитари
Велика Британија: 507 мегалитари
Уганда: 20 мегалитари
Водата е често користен ресурс. Таа се користи во земјоделството и индустријата. Следи преглед што покажува колку вода се искористува за производство на некои производи:

41 500 литри вода за да се произведе еден килограм месо,
500 литри вода за да произведе еден портокал,
повеќе од 1 милион литри вода за да се произведе еден тон од некој метал,
50 литри вода за еден примерок на весник,
5000 литри вода за 1 килограм ориз,
4 литри вода за 1 шише пиво,
1 литар вода за 100 грама чоколада,
90 литри вода дневно за да се произведе млеко од една крава.

Водата - најголемо богатство?

Според ОН денес

1,5 милијарди луѓе немаат чиста вода за пиење
во следните 25 години оваа бројка ќе се искачи на околу 5,4 милијарди
80% од болестите во земјите од третиот свет се предизвикани од внесување на загадена вода
околу 4 милиони луѓе годишно умираат поради употреба на отпадни води

Колку вода му треба на човекот?

Кога водата секогаш ја имаме во изобилство не размислуваме за нејзината вредност и важност. Водата за повеќето луѓе едноставно доаѓа од чешмата. Ретко размислуваме за начинот на кој водата од воздухот и почвата доаѓа до нас. А уште помалку за тоа каде оди откако ќе изчезне во одводните цевки. Дневната потрошувачка на вода изнесува околу 140 литри по лице:

за пиење и готвење се троши 3-6l
машина за миење садови 4-7l
чистење во станот 5-10l
перење на алишта 20-40l
капење и туширање 20-40l
лична хигиена (без бањање) 10-15l
плакнење на тоалети 20-40l