банер

Воздух

загадување од автомобил
Загадување на воздухот

Загадување на воздухот се случува кога различни хемикалии во гасовита агрегатна состојба или мали честички се испуштат во атмосферата. Загадувањето обично е предизвикано од горење на фосилни горива - јаглен, нафта и гас - или согорување на дрво и други горива. Најголеми загадувачи на воздухот се автомобилите и камионите, фабриките, електраните и домовите кои се загреваат на дрва.

Автомобилите го загадуваат воздухот

Во големите градови во светот автомобилите, автобусите и камионите се главните фактори за загадување на воздухот. Тие во воздухот емитираат чад кој може да содржи јаглерод моноксид, азотни оксиди, јаглеводороди, олово и разни честички. Овој чад може да биде многу опасен и да предизвика дразнење на очите, носот, грлото и белите дробови.
Производството на автомобили исто така придонесува за загадување на воздухот, затоа што деловите за автомобилите се произведуваат во фабрики кои во животната средина и воздухот може да испуштаат штетни супстанции!
Денес сè повеќе се произведуваат таканаречени еколошки автомобили. Но, бидејќи тие засега се прилично скапи, при купување на автомобил треба да се внимава неговото загадувањето да не надминува 140 g / km CO2.
 


© Web Design: UnaDesign