Едукацијата за вредностите, човековите права и демократијата ќе се одвива етапно преку чекори чија содржина ќе се презентира на web страната последователно. Учество во работата на чекорите можат да земат само учесниците кои се логирани. Тие ќе го искажат своето мислење во однос на содржините кои се презентирани во чекорите. Исто така учениците можат да креираат и уметнички творби на темите: човекови права, заеднички вредности и демократија.

Чекор1:Учесниците избираат лого кое на web страната ќе ги придружува нивните одговори. Овој чекор им овозможува на учесниците да се претстават себеси онака како се чувствуваат и како што сакаат да бидат видени од другите.

Чекор2:Листа по која учесниците ќе ги градуираат вредностите на почетокот на проектот. Градацијата на вредностите е од ранг 1 за највисоко оценетата вредност до ранг 10 за најниско оценетата вредност.
Во овој чекор нема погрешен одговор! Учесниците можеби на прво место ќе ја рангираат вредноста “безбедност”, затоа што сигурноста за својот живот и животот на своите блиски е ценета во сите цивилизации, а и другите вредности немаат значење за оној кој не е жив. Ако немирите во општеството претставуваат секојдневие за учесниците, тогаш може да се очекува дека високо рангирана вредност за учесниците ќе биде “ненасилното однесување” и “владеењето на правото”. Во општества со висок стандард и демократско однесување, најверојатно учесниците високо ќе ги рангираат вредностите “индивидуалност”, “креативност” итн. Како ќе гледаат учесниците на вредностите, многу зависи од економската, социјалната и политичката ситуација на нивното опкружување.

Чекор 3 : Вредност: живот. Право на живот

“Mignonette”

(Изведбата на овој чекор е направена според замислата во “Understand the Law”, стр.11, The Citizenship Foundation, 1994.)

Цел: Активностите во овој чекор им помагаат на учесниците да размислат

•  како човековите правата во пракса функционираат ;

•  како најголемата вредност за човекот – животот е подеднакво значајна за сите луѓе.

Главни точки при учењето:

Животот претставува најголема вредност за човекот. Сите други вредности немаат значење ако не сме живи. Животот на човекот претстава и него право согласно на Конвенцијата за права на децата (чл.3) усвоена на Ганералното собрание на Обединетите Нациии, 20 ноември 1989 година.

Право на живот

Секое дете со самото раѓање има право на живот. Животот на детето е неприкосновен, а државата има обврска да го осигури детскиот опстанок.

Чекор 4 – “Mignonette” продолжение

Чекор 5 – “Mignonette” крај

Чекор 6 - Вежба за градње на личноста во која се користи креирана ситуација.

Чекор 7 - Вежба за развој на хумани чувства кај младите и изнаоѓање на практични решенија.

Чекор 8 - Продолжение на вежбата за развој на хумани чувства и изнаоѓање на практични решенија.

Чекор 9 - Работа на вредноста - ненасилство.
Во овој чекор се користи примерот од позната кампања за човековите права на Махатма Ганди, со цел да се покаже како може успешно да се остварат правата без користење на сила. Ненасилството не треба да се разбере како пасивно однесување туку активно, конструктивно и креативно однесување во конфликтни ситуации. Конфликтите неможат да се спречат и избегнат, но насилството како можен одговор на конфликтот може да се избегне и спречи. Секој лично, а уште подобро во група може да делува во таа насока.

Чекор 10 - Овој чекор кој се однесува на еднаквоста на луѓето ја користи дискриминацијата со која се соочуваат жените и малцинствата за да го сврти вниманието кон неправдите кои се случуваат секојдневно. Целта на оваа вежба е да покаже дека во низа секојдневни ситуации се прекршуваат човековите права и дека тоа треба да се надмине.

Чекор 11 - Продолжение на вежбата за еднаквоета меѓу луѓето.