Истражување на јавното мислење
Јавна анкета со граѓаните
— Општина Карпош
Анкетниот лист ќе биде искористен за добивање на податоци од граѓаните на Општина Карпош во однос на :
- Заштеда на природните ресурси и енергијата (однос кон водата за пиење, начин на исхрана, користење на средствата за транспорт, однос кон потрошувачката на електрична енергија и изградба на објекти што ја заштедуваат енергијата).
- Намалување на потрошувачката (однос на граѓаните кон купувањето, повторното користење на предметите кои за нив ја изгубиле првичната намена и поправање на предметите каде што тоа е можно).
- Намалување на отпадот (учество на граѓаните во рециклирање на отпадот и во која мера внимаваат при купување т.е. избирање на предмети кои се направени од рециклирани материјали).
Спроведувањето на анкетата припаѓа на истражувањата управувани од испитувачот и се заснова на претходно подготвен прашалник за интервју. Примерокот опфаќа граѓани по случаен избор на три локации во Општината: Веро, пазар Тавталиџе, и трговски центар Лептокарија. При реализација на јавната анкета ќе се опфатат испитаници од различен пол и возраст.
Јавната анкета ќе се изведе од страна на ученици кои се претходно едуцирани за процесот на истражување на јавното мислење, под менторство на едукаторите во проектот. Анализата ќе опфати најмалку 50 комплетно пополнети прашалници. Извештајот од спроведената анкета ќе биде достапен на веб страна изработена за проектот.
