НАЈНОВИ НАСТАНИ

ДОЗНАЈ ПОВЕЌЕ ЗА...

Креативни работилници

5R КОНЦЕПТ ЗА ОДРЖЛИВОСТ

Отпад

Од каде доаѓа отпадот? Каде оди отпадот? Проблеми со отпадоците Отпадоци во водите Што да се направи со отпадоците? Отпад и ѓубре - факти и бројки
Од каде доаѓа отпадот?

Отпад се создава со погрешно ракување со ресурсите. Во природата не постои отпад. Таа се грижи секој ресурс и резултатот на користењето на тој ресурс да бидат повторно употребени и вградени како основа за други процеси. Природата го одржува кружењето на ресурсите. Луѓето создаваат линеарни системи со земање на ресурси од изворите и нивно користење далеку од извор, а отпадот од искористените ресурси на несоодветни начини го враќаат назад во природата. Отпад нарекуваме она што веќе не ни треба и од кое сакаме да се ослободиме. Најголем дел од отпадот од нашите домови се остатоци од храна, хартии и материјали за пакување.
Најважно нешто на што мора да се сетиме кога го фрламе отпадот се следните 5 елементи во т.н. 5R концепт: размисли, намали, искористи, поправи и рециклирај.
Овој концепт укажува дека иако постојат депонии кои се добар начин за згрижување на отпадот што не може да се рециклира или повторно искористи, сепак најважно нешто што можеме да го направиме е да не правиме непотребно губење. Значи, запомнете:

Размислете за работите што ги купувате и ресурсите што ги користите – треба да се обидеме да ја намалиме потрошувачката и да го намалиме количеството на отпад што го создаваме
Намалете го износот на секојдневниот отпад
Повторно искористете ги работите пред тие навистина да станат отпад
Поправајте ги работите ако се малку оштетени (играчки, садови ...) наместо да ги фрлите
Рециклирајте сò она што може да се рециклира (хартија, метал, стакло, тетрапак, батерии, пластична амбалажа ...)

Следен пат кога ќе купувате следете ги овие 8 правила за разумно купување:

Изберете производи што може да се рециклираат,
Изберете производи направени од рециклирани материјали,
Секогаш кога тоа е можно, изберете производ, кој може повторно да се користи,
Изберете производ со што помалку непотребно пакување,
Размислете за тоа како ќе го користите производот пред да го купите,
Не купувајте повеќе отколку што ви треба,
Изберете производи кои имаат локално потекло,
Изберете производи кои се произведени и се користат без да предизвикаат негативни влијанија врз животната средина.